வெயில் காலத்தில் அவசியம் இதை செய்யுங்க!

மாங்காய் :

மாங்காயை அப்படியே சாப்பிடுவதற்கு பதிலாக இங்கே நீராகாரமாக குடிக்கப்போகிறீர்கள். முதலில் மாங்காயை நறுக்கி தண்ணீரில் வேக வைத்திடுங்கள். பின் ஆறியதும் அதன் தோலை நீக்கிட வேண்டும். வேக வைத்த மாங்காய், ஒரு ஸ்பூன் சீரகம், புதினா இலைகள் சிறிதளவு ஆகியவற்றோடு சேர்த்து அரைத்துக் கொள்ள வேண்டும். அதனுடன் இரண்டு டம்ப்ளர் நீரைச் சேர்த்து குடிக்க வேண்டும்.

 

ப்ளம்ஸ் :

ப்ளம்ஸ் பழத்தில் அதிகப்படியான ஆண்ட்டி ஆக்ஸிடண்ட் இருக்கிறது. அதோடு இவை நம் உடலில் நீர்ச்சத்தை அதிகப்படுத்தும். ஹீட் ஸ்ட்ரோக்கினால் ஏற்படக்கூடிய பாதிப்பினை இது சரி செய்திடும். முதலில் நான்கைந்து ப்ளம்ஸ் பழங்களை தண்ணீரில் ஊறவைத்திடுங்கள். பின்னர் அத தண்ணீருடன் சேர்த்து அறைத்து அப்படியே குடிக்கலாம்.

 

மோர் :

இரண்டு ஸ்பூன் தயிருடன் ஒரு கிளாஸ் தண்ணீரைச் சேர்த்து சிறிதளவு உப்பு கலந்து குடிக்கலாம். இதைத் தவிர வெள்ளரிப்பிஞ்சு அரைத்து அதனை மோருடன் கலந்தும் குடிக்கலாம். புதினா மற்றும் மல்லி இலைகளை சுத்தமாக்கிக் கொள்ளுங்கள் அதனுடன் ஒரு இன்ச் அளவுள்ள இஞ்சியை தோல் நீக்கி சுத்தமாக்கி துருவிக்கொள்ளுங்கள். இலைகளை அரைத்து அதனை மோரில் சேர்த்துவிடுங்கள் பின் துருவி வைத்த இஞ்சியையும் சேர்த்து தேவையான அளவு உப்பு கலந்து குடிக்கலாம்.

 

புதினா :

மல்லி மற்றும் புதினாவில் இயற்கையாகவே நம் உடலின் வெப்பநிலையை குறைக்கும் ஆற்றல் இருக்கிறது. இதனை குடிப்பது மட்டுமல்ல அரைத்து சருமத்தில் தடவுவதால் சருமத்தில் வெயில் காலத்தில் ஏற்படுகிற அலர்ஜியை தவிர்க்க முடியும். இவற்றை அப்படியே குடிக்கலாம் அல்லது மேலே சொன்னது போல மோரில் கலந்து குடிக்கலாம். அப்படியில்லையினில் இவை இரண்டையும் அரைத்து அதனுடன் இரண்டு ஸ்பூன் எலுமிச்சை சாறு மற்றும் சுவைக்காக தேன் ஆகியவற்றை கலந்தும் குடிக்கலாம்.

 

சோம்பு :

டெம்ப்பரேச்சரை குறைப்பதில் சீரகம் முக்கிய பங்கு வகிக்கிறது. முதல் நாள் இரவே ஒரு கைப்பிடியளவு சோம்பினை தண்ணீரில் உறவைத்திடுங்கள். பின்னர் மறுநள் காலை ஊறவைத்த அந்த தண்ணீரை குடிக்க வேண்டும். இது உங்கள் உடலின் வெப்பநிலையை குறைவாக வைத்திருக்க உதவிடும்.

 

ஆப்பிள் சிடர் வினிகர் :

நீங்கள் குடிக்கிற தண்ணீரிலோ அல்லது ஜூஸ்களிலோ நான்கைந்து சொட்டு ஆப்பிள் சிடர் வினிகரை கலந்து குடிக்கலாம். இதில் மினரல்ஸ் மற்றும் எலக்ட்ரோலைட்ஸ் இருப்பதால் ஹீட் ஸ்ட்ரோக் இருப்பவர்களுக்கு சிறந்த நிவாரணமாக அமையும். அதோடு வெயில் காலங்களில் அதிக வியர்வை வரும், அதிலேயே உங்கள் உடலின் அத்தியாவசியத் தேவைகளான பொட்டாசியம் மற்றும் மக்னீசியம் ஆகியவை கரைந்திடும். அவற்றையும் இது சரி செய்கிறது.

 

கற்றாழை :

கற்றாழையில் அதிகப்படியான விட்டமின்ஸ் மற்றும் மினரல்ஸ் இருக்கிறது. தினமும் கற்றாழை ஜூஸ் தயாரித்துக் குடிக்கலாம். வெயில் படுகிற இடங்களில் எல்லாம் கற்றாழை ஜெல் தடவினால் சருமப் பிரச்சனைகள் எல்லாம் மறைந்திடும்.

 

சந்தனம் :

தூய சந்தனம் தான் இதற்கு பயன்படுத்த வேண்டும். அடர் மஞ்சள் நிறத்தில் இருக்கக்கூடிய சந்தனத்தை பயன்படுத்த வேண்டாம். தூய சந்தனம் என்பது இளம் பிரவுன் நிறம் அல்லது வெள்ளை நிறத்தில் இருக்கும்.அதனை அரைத்து உங்கள் நெற்றியில் பத்துப் போல போட்டுக் கொள்ளலாம்.

இது உங்கள் உடலின் வெப்பநிலையை குறைக்கும்.