தமிழகம் முழுவதும் பிளாஸ்டிக் பொருட்களுக்கு தடை!

0
732

ஒரு முறை பயன்படுத்திவிட்டு தூக்கிஎறிப்படும் 14 வகையான பிளாஸ்டிக் பொருட்கள் மீதான தடை தமிழகத்தில்  பிளாஸ்டிக்இல்லாத தமிழகத்தை உருவாக்க மக்களின் ஒத்துழைப்பு வேண்டும் என்று அரசு தெரிவித்துள்ளது.

பிளாஸ்டிக் பொருட்களை அப்புறப் படுத்துவது, திடக்கழிவு மேலாண் மைக்கு பெரும் சவாலாக உள்ளது. தவிர, சுற்றுச்சூழல் மற்றும் உடல் நலத்துக்கும் அவை பெரும் கேடு விளைவித்து வருகின்றன. இதை கருத்தில் கொண்டு, சுற்றுச் சூழல் பாதுகாப்புச் சட்டத்தின் கீழ், கடந்த 2011 ஆம் ஆண்டு வெளியிடப்பட்ட பிளாஸ்டிக் கழிவு மேலாண்மை விதிகளில், 40 மைக்ரானுக்கு கீழ் தடிமன் உள்ள பிளாஸ்டிக் பொருட்களுக்கு தடை விதிக்கப்பட்டது.

அதைத் தொடர்ந்து 2016 ஆம் ஆண்டு வெளியிடப்பட்ட பிளாஸ்டிக் மேலாண்மை விதிகளில் 50 மைக் ரானுக்கு குறைவான பொருட்களுக்கு தடை விதிக்கப்பட்டது. மேலும் பிளாஸ்டிக் பொருட்களை வகை பிரித்து துப்புரவு பணியாளரிடம் வழங்க வேண்டும் என்ற திட்டமும் வெற்றிபெறவில்லை.

இந்நிலையில் சுற்றுச்சூழல் பாதிக் கப்படுவதை தடுக்கும் விதமாக, ஒருமுறை பயன்படுத்தி தூக்கி எறியப்படும் பிளாஸ்டிக் பொருட்களுக்கு தடை விதித்து முதல்வர் பழனிசாமி கடந்த ஜூன் 5 ஆம் தேதி, சட்டப்பேரவையில் விதி எண் 110-ன் கீழ் அறிவித்தார்.

அதன்படி, உணவுப் பொட்டலங்கள் கட்ட பயன்படுத்தும் பிளாஸ்டிக் ஒட்டும் தாள், உணவு அருந்தும் மேஜையின் மீது விரிக்கப்படும் பிளாஸ்டிக் தாள், பிளாஸ்டிக்கால் ஆன தெர்மாகோல் தட்டுகள், பிளாஸ்டிக் முலாம் பூசப்பட்ட காகித தட்டுகள், பிளாஸ்டிக் பூசப்பட்ட காகித குவளைகள், பிளாஸ்டிக் தேநீர் குவளைகள், பிளாஸ்டிக் குவளைகள், தெர்மாகோல் குவளைகள், நீர் நிரப்ப பயன்படும் பாக்கெட்கள், பிளாஸ்டிக்கால் ஆன உறிஞ்சு குழல்கள், பிளாஸ்டிக் பைகள், பிளாஸ்டிக் முலாம் பூசப்பட்ட பைகள், பிளாஸ்டிக் கொடிகள், நெய்யாத பிளாஸ்டிக் பைகள் போன்ற 14 வகையான பிளாஸ்டிக் பொருட்கள் முற்றிலும் தடை செய்யப்பட்டுள்ளன.

இந்த தடைக்கு மக்கள் ஒத்துழைப்பு தருமாறு அரசு வேண்டுகோள் விடுத்துள்ளது

LEAVE A REPLY

Please enter your comment!
Please enter your name here