அருணாசலேஸ்வரர் கோவில் கார்த்திகை தீபத்திருவிழா: 2,668 அடி உயர மலை உச்சியில் மகா தீபம் ஏற்றப்பட்டது லட்சக்கணக்கான பக்தர்கள் சாமி தரிசனம்

0
72
பஞ்சபூத ஸ்தலங்களில் ஒன்றான அக்னி ஸ்தலமாக திருவண்ணாமலை அருணாசலேஸ்வரர் கோவில் உள்ளது. படைக்கும் கடவுளான பிரம்மாவிற்கும், காக்கும் கடவுளான திருமாலுக்கும் இடையே ஏற்பட்ட ‘தான்’ என்ற அகந்தையை போக்க சிவபெருமான் திருவண்ணாமலையில் அடிமுடி காண முடியாத அக்னி பிழம்பாக காட்சியளித்ததாக ஐதீகம். அந்த நாளே கார்த்திகை தீபத்திருவிழாவாக கொண்டாடப்பட்டு வருகிறது.
திருவண்ணாமலையில் 2,668 அடி உயரமுள்ள மலையே சிவனாக வணங்கப்பட்டு வருகிறது. பவுர்ணமி மற்றும் கார்த்திகை தீபத்திருவிழா நாட்களில் லட்சக்கணக்கான பக்தர்கள் அந்த மலையை சுற்றி 14 கிலோ மீட்டர் கிரிவலம் செல்கின்றனர்.
சிவபெருமான் அக்னி பிழம்பாக காட்சி கொடுத்ததால் அந்த மலை உச்சியில் மகா தீபம் ஏற்றப்படுகிறது. இந்த கோவிலில் பல்வேறு விழாக்கள் நடைபெற்றாலும் கார்த்திகை மாதத்தில் வரும் தீபத்திருவிழா மிகவும் சிறப்பு வாய்ந்ததாகும். கார்த்திகை தீபத்திருவிழா 10 நாட்கள் நடைபெறும்.
உலகப்புகழ் பெற்ற இந்த தீபத் திருவிழா கடந்த 14-ந் தேதி கொடியேற்றத்துடன் தொடங்கியது. அன்று காலையில் பஞ்சமூர்த்திகளான விநாயகர், முருகர், உண்ணாமலை அம்மன் சமேத அருணாசலேஸ்வரர், பராசக்தி அம்மன், சண்டிகேஸ்வரர் ஆகிய சாமிகள் வீதி உலா நடைபெற்றது.
இதையடுத்து 2-வது நாளில் இருந்து காலையில் விநாயகரும், சந்திரசேகரரும், இரவில் பஞ்சமூர்த்திகள் வீதி உலாவும் நடைபெற்றது. தீபத் திருவிழாவின் முக்கிய நிகழ்ச்சிகளில் ஒன்றான வெள்ளி ரதம் 19-ந் தேதியும், பஞ்சரத தேரோட்டம் 20-ந் தேதியும் நடைபெற்றது. அன்று காலை முதல் இரவு வரை 5 தேர்கள் ஒன்றன் பின் ஒன்றாக பக்தர்களால் இழுக்கப்பட்டது.
கார்த்திகை தீபத்திருவிழாவின் சிகர நிகழ்ச்சியான மகா தீபம் நேற்று மாலை 6 மணிக்கு நகரின் மையப்பகுதியில் உள்ள 2,668 அடி உயர மலை உச்சியில் ஏற்றப்பட்டது.
முன்னதாக நேற்று அதிகாலை 4 மணிக்கு பரணி தீபம் ஏற்றப்பட்டது. இதற்காக அதிகாலையில் நடை திறக்கப்பட்டு பஞ்சமூர்த்திகளுக்கு

LEAVE A REPLY

Please enter your comment!
Please enter your name here